ਗੁਰਦੀਪ ਦਾਨੀ ਪਿੰਡ ਫੁੱਲੋ ਮਿੱਠੀ

ਗੁਰਦੀਪ ਦਾਨੀ ਪਿੰਡ ਫੁੱਲੋ ਮਿੱਠੀ ਰਿਟਾਇਰਡ ਸਹਾਇਕ ਥਾਣੇਦਾਰ +91 94170-79316 +91 88473-57895 ਮੇਰਾ ਜਨਮ ਪਿੰਡ ਫੁੱਲੋ ਮਿੱਠੀ ਜ਼ਿਲਾ ਬਠਿੰਡਾ ਵਿਖੇ ਹੋਇਆ। ਰੇਤਲੇ ਟਿੱਬਿਆਂ ਤੋਂ ਉੱਠ ਮਹਿਕਮਾ ਪੰਜਾਬ ਪੁਲਿਸ ਵਿੱਚ ਸਿਪਾਹੀ ਰੈਂਕ ਤੋਂ ਸਫ਼ਰ ਸ਼ੁਰੂ ਕਰਕੇ ਸਹਾਇਕ ਥਾਣੇਦਾਰ ਤੱਕ ਸੇਵਾ ਕੀਤੀ ਅਤੇ ਫਿਰ ਸਾਲ 2022 ਵਿੱਚ ਰਿਟਾਇਰ ਹੋਇਆ ਹਾਂ। ਮੇਰੇ ਲਿਖੇ ਗੀਤਾਂ ਨੂੰ ਹੁਣ ਤੱਕ ਨਰਿੰਦਰ ਬੀਬਾ ‘ਧੀਆਂ ਧੰਨ ਬੇਗਾਨਾ’ ਕੈਸਟ ਦੇ ਤੌਰ ਤੇ ਆਪਣੀ ਆਵਾਜ਼ ਵਿੱਚ ਸਿੰਗਾਰ ਚੁੱਕੇ ਹਨ। ਇਸ ਤੋਂ ਇਲਾਵਾ ਜਸਵਿੰਦਰ ਬਰਾੜ, ਰਾਜਾ ਸਿੱਧੂ, ਸ਼ਰਫੂ ਸਦੀਕ ਅਤੇ ਰਣਬੀਰ ਕੌਰ ਨੇ ਵੀ ਕਾਫੀ ਗੀਤ ਗਾਏ ਹਨ। ਅੱਜ ਕੱਲ ਗਾਇਕ ਹਰਿੰਦਰ ਸੰਧੂ ਵੱਲੋਂ ਵੀ ਜਲਦੀ ਹੀ ਗੀਤਾਂ ਦੀ ਰਿਕਾਰਡਿੰਗ ਕਰਵਾਈ ਜਾ ਰਹੀ ਹੈ। ਰਚਨਾਵਾਂ ਲਿਖਣ ਦਾ ਸ਼ੌਂਕ ਮੈਨੂੰ ਸੰਨ 19 81 ਤੋਂ ਹੈ ਅਤੇ ਹੁਣ ਤੱਕ ਕਾਫੀ ਸਾਹਿਤ ਸਭਾਵਾਂ ਅਤੇ ਗਰੁੱਪਾਂ ਵੱਲੋਂ ਸਨਮਾਨਿਤ ਕੀਤਾ ਗਿਆ ਹੈ ਜਿਵੇਂ ਕਿ ਮੈਡਮ ਮਨਪ੍ਰੀਤ ਕੌਰ ਸੰਧੂ ਮੇਲਾ ਰੂਹਾਂ ਦਾ, ਸ਼ਬਦ ਕਾਫਲਾ, ਮਾਨ ਸਰੋਵਰ ਸਾਹਿਤ ਰਾਜਸਥਾਨ। ਇਸ ਤੋਂ ਇਲਾਵਾ ਰੇਡੀਓ ਆਕਾਸ਼ਵਾਣੀ ਬਠਿੰਡਾ ਨਾਲ ਵੀ ਜੁੜਿਆ ਹੋਇਆ ਹਾਂ। ਸਭ ਤੋਂ ਵੱਡਾ ਸਨਮਾਨ ਇਨਸਾਨੀਅਤ ਦੀ ਕਦਰ ਕਰਨਾ ਅਤੇ ਉਹਨਾਂ ਵਿਚਲੀ ਸ਼ਖਸੀਅਤ ਨੂੰ ਪਰਖਣਾ ਮੰਨਦਾ ਹਾਂ, ਕਿਉਂਕਿ ਇਸ ਦੁਨੀਆ ਵਿੱਚ ਬਹੁਤ ਹੀ ਮਹਾਨ ਸ਼ਖਸ਼ੀਅਤਾਂ ਪੈਦਾ ਹੋਈਆਂ ਹਨ ਜਿੰਨਾਂ ਨੂੰ ਮੈਂ ਰੱਬ ਦਾ ਦਰਜਾ ਦਿੰਦਾ ਹਾਂ।