“ਜਾਗ ਪੰਜਾਬ ਤੂੰ ਜਾਗ” ਪ੍ਰੋ. ਕੁਲਵੰਤ ਸਿੰਘ ਔਜਲਾ ਦੀ ਦੂਜੀ ਕਾਵਿ ਪੁਸਤਕ ਹੈ। ਕਵੀ ਦਾ ਪਹਿਲਾ ਕਾਵਿ ਸੰਗ੍ਰਹਿ “ਮਾਂ ਵਰਗੀ ਕਵਿਤਾ” ਪਹਿਲਾਂ ਹੀ ਅਲੋਚਕਾਂ ਵਲੋਂ ਕਾਫੀ ਸਲ੍ਹਾਇਆ ਗਿਆ। ਅੱਖਰ ਮੰਚ ਕਪੂਰਥਲਾ ਦੇ ਸਹਿਯੋਗ ਨਾਲ ਛਪੀ, 160 ਸਫਿਆਂ ਦੀ ਇਸ ਖੂਬਸੂਰਤ ਪੁਸਤਕ ਨੂੰ ਸਾਂਝ ਪ੍ਰਕਾਸ਼ਨ, ਜਲੰਧਰ ਨੇ ਮੋਟੀ ਫੌਂਟ ਵਿਚ ਬੜੀ ਰੀਝ ਨਾਲ ਛਾਪਿਆ ਹੈ। ਹਰ ਸਫੇ ਨੂੰ ਖੂਬਸੂਰਤ ਵੇਲ ਨਾਲ ਸਜਾਇਆ ਗਿਆ ਹੈ। ਇਸ ਪੁਸਤਕ ਦਾ ਮੁੱਲ 300 ਰੁਪਏ ਹੈ। ਪੁਸਤਕ ਨੂੰ ਕਵੀ ਨੇ ਅੱਠਾਂ ਭਾਗਾਂ ਵਿਚ ਵੰਡਿਆ ਹੈ, ਜਿਵੇਂ ਪੰਜਾਬ ਨਾਲ ਸਬੰਧਿਤ ਕਵਿਤਾਵਾਂ, ਪਿੰਡ ਬਾਰੇ ਕਵਿਤਾਵਾਂ, ਨਾਨਕ ਬਾਬੇ ਨਾਲ ਸੰਵਾਦ ਕਰਦੀਆਂ ਕਵਿਤਾਵਾਂ, ਭਲੇ ਦਿਨਾਂ ਦੀ ਆਸ ਵਰਗੀਆਂ ਕਵਿਤਾਵਾਂ, ਅੱਖਰਵੰਤ ਕਵਿਤਾਵਾਂ, ਕਿਸਾਨੀ ਸੰਗਰਸ਼ ਨੂੰ ਮੁਖਾ਼ਤਿਬ ਕਵਿਤਾਵਾਂ, ਕਰੋਨਾ ਕਾਲ ਦੀਅਾਂ ਕਵਿਤਾਵਾਂ ਅਤੇ ਤਬਸਰਾ-ਏ-ਵਕਤ। ਪਹਿਲੇ ਭਾਗ “ਪੰਜਾਬ ਨਾਲ ਸਬੰਧਿਤ ਕਵਿਤਾਵਾਂ” ਵਿਚ ਕਵੀ ਨੇ ਪੰਜਾਬ ਨੂੰ ਦਰਪੇਸ਼ ਮੁਸ਼ਕਿਲਾਂ ਨੂੰ ਬੜੀ ਸ਼ਿਦਤ ਨਾਲ ਰਚਦਿਆਂ ਭਲੇ ਦਿਨਾਂ ਦੀ ਆਸ ਦਾ ਪੱਲਾ ਨਹੀਂ ਛੱਡਿਆ: ਜਿਵੇਂ: ਦੂਜੇ ਭਾਗ ਵਿਚ “ਪਿੰਡ ਬਾਰੇ ਕਵਿਤਾਵਾਂ” ਹਨ, ਜਿਹਨਾਂ ਵਿਚ ਪਿੰਡ ਦੀਆਂ ਸਾਂਝੀਆਂ ਸਮੱਸਿਆਵਾਂ ਨੂੰ ਲੇਖਕ ਨੇ ਬੜੀ ਇਮਾਨਦਾਰੀ ਨਾਲ ਦ੍ਰਿਸ਼ਟੀ ਗੋਚਰ ਕੀਤਾ ਹੈ:- ਇੱਕ ਹੁੰਦਾ ਸੀ ਮੇਰੇ ਪਿੰਡ ਦਾ ਸਾਂਝਾ ਛੱਪੜ, ਤੀਜੇ ਭਾਗ ਵਿਚ “ਨਾਨਕ ਬਾਬੇ ਨਾਲ ਸੰਵਾਦ ਕਰਦੀਆਂ ਕਵਿਤਾਵਾਂ” ਦਰਜ ਨੇ, ਜਿਹਨਾਂ ਵਿਚ ਕਵੀ ਨੇ ਲੋਕਾਂ ਦੀ ਸੋਚ ਨੂੰ ਹਲੂਣਿਆ ਏ: ਸੱਚਾ ਸੌਦਾ ਭੁੱਲਕੇ ਰਾਹਤ ਦੇਵੀਂ ਜ਼ਖਮਾਂ ਨੂੰ ਪੰਜਵੇਂ ਭਾਗ ਵਿਚ “ਅੱਖਰਵੰਤ ਕਵਿਤਾਵਾਂ” ਦਾ ਉਨਵਾਨ ਦਿੱਤਾ ਗਿਆ ਹੈ, ਜਿਸ ਵਿਚ ਕਵੀ ਨੇ ਪੰਜਾਬੀ ਮਾਂ ਬੋਲੀ ਪ੍ਰਤੀ ਕਾਵਿਕ ਚਿੰਤਾ ਸਿਰਜ ਕੇ ਸਭ ਨੂੰ ਫ਼ਰਜ਼ ਤੋਂ ਸੁਚੇਤ ਕੀਤਾ ਹੈ : ਬਾਗ ਸਾਂਝਾਂ ਤੇ ਸੁਰਾਂ ਦੇ ਰਹਿਣ ਹਰੇ ਹਰੇ। ਛੇਵੇਂ ਭਾਗ ਵਿਚ “ਕਿਸਾਨੀ ਸੰਗਰਸ਼ ਨੂੰ ਮੁਖਾ਼ਤਿਬ ਕਵਿਤਾਵਾਂ” ਨੂੰ ਸਥਾਨ ਦਿੱਤਾ ਗਿਆ ਹੈ, ਜਿਸ ਵਿਚ ਕਵੀ ਨੇ ਆਪਣੀਆਂ ਕਾਵਿਤਾਵਾਂ ਰਾਹੀਂ ਕਿਸਾਨਾਂ ਦੇ ਮਿਸਾਲੀ ਸੰਘਰਸ਼ ਨੂੰ ਉਘਾੜਿਆ ਹੈ: ਵਾਹ ਕਿਰਸਾਨਾ ਗਾਉਂਦੇ ਸੱਤਵੇਂ ਭਾਗ ਵਿਚ “ਕਰੋਨਾ ਕਵਿਤਾਵਾਂ” ਦਰਜ ਹਨ, ਕਵੀ ਨੇ ਕਰੋਨਾ ਦੇ ਨਾਜ਼ੁਕ ਦੌਰ ਬਾਰੇ ਬਹੁਤ ਹੀ ਪ੍ਰਭਾਵਸ਼ਾਲੀ ਕਵਿਤਾਵਾਂ ਸਿਰਜੀਆਂ ਹਨ: ਖੌ਼ਫ ਦੀ ਮਾਰ ਤੇਜ਼ ਹੁੰਦੀ ਅੱਠਵੇਂ ਅਤੇ ਆਖਰੀ ਭਾਗ ਵਿਚ ਕਵੀ ਨੇ “ਤਬਸਰਾ-ਏ-ਵਕਤ” ਸਿਰਲੇਖ ਹੇਠ ਕਾਵਿਤਾਵਾਂ ਸ਼ਾਮਿਲ ਕੀਤੀਆਂ ਨੇ, ਜਿਸ ਵਿਚ ਰਚਨਾਕਾਰ ਵਲੋਂ ਵਕਤ ਦੇ ਪ੍ਰਭਾਵਾਂ ਨੂੰ ਲਾਜਵਾਬ ਰਚਨਾਵਾਂ ਵਿਚ ਢਾਲ਼ਿਆ ਗਿਆ ਹੈ :- ਨਿਰਸੰਦੇਹ ਪ੍ਰੋ.ਔਜਲਾ ਨੇ ਅਲੋਚਣਾ ‘ਤੇ ਬਹੁਤ ਕਾਰਜ ਕੀਤਾ ਹੈ,ਇਸ ਲਈ ਸਿਰਜਣਾ ਵੇੇਲੇ ਉਹਨਾਂ ਦਾ ਸੁਚੇਤ ਰਹਿਣਾ ਸੁਭਾਵਿਕ ਹੈ । ਕਵਿਤਾ ਪਾਠ ਕਰਦਿਆਂ ਮਹਿਸੂਸ ਹੋਇਆ ਹੈ ਕਿ ਕਾਵਿਤਾ ਦੀ ਰੂਹ ‘ਚ ਪੰਜਾਬ ਪ੍ਰਤੀ ਫਿਕਰਮੰਦੀ,ਕੁਦਰਤ ਪ੍ਰਤੀ ਉਦ੍ਹਾਰਤਾ ,ਪਰਵਾਸ,ਧਾਰਮਿਕ ਅਤੇ ਸਮਾਜਿਕ ਦੰਭਾਂ ਦੀ ਨਿਸ਼ਾਨਦੇਹੀ,ਖੂ਼ਬਸੂਰਤ ਸਮਾਜ ਦੀ ਸਿਰਜਣਾ ਅਤੇ ਸਰਬ-ਸਾਂਝੀਵਾਲਤਾ ਦੀ ਝਲਕ ਥਾਂ-ਥਾਂ ਮਿਲਦੀ ਹੈ । ਮੈਂ ਤਾਂ “ਜਾਗ ਪੰਜਾਬ ਤੂੰ ਜਾਗ” ਨੂੰ ਅਰਦਾਸ ਵਰਗੀ ਸ਼ਾਇਰੀ ਮੰਨਦਾ ਹਾਂ ਮੇਰੇ ਵਲੋਂ ਔਜਲਾ ਸਾਹਿਬ ਹੁਰਾਂ ਨੂੰ ਇਸ ਖੂ਼ਬਸੂਰਤ ਪੁਸਤਕ ਦੀਆਂ ਮੁਬਾਰਕਾਂ ।ਮੈਂ ਸਮੂਹ ਪੰਜਾਬੀਆਂ ਨੂੰ ਇਹ ਪੁਸਤਕ ਨੂੰ ਪੜ੍ਹਣ ਤੇ ਮਾਨਣ ਦੀ ਬੇਨਤੀ ਕਰਦਾ ਹਾਂ। |
ਰੂਪ ਦਬੁਰਜੀ,ਪਿੰਡ ਦਬੁਰਜੀ,ਡਾਕਘਰ ਲੱਖਣ ਕਲਾਂ,ਜ਼ਿਲ੍ਹਾ ਕਪੂਰਥਲਾ
ਫੋਨ ਨੰਬਰ -94174 80582