ਨਵਾਂ ਸਾਲ ਮੁਬਾਰਕ– ਜਸਵਿੰਦਰ ਸਿੰਘ ਰੁਪਾਲ

ਰੰਗ ਨਵੇਂ  ਅੰਬਰਾਂ ਤੇ ਛਿੜਕੇਗਾ ਇੱਕ ਦਿਨ,
ਅੱਗੇ ਵਧਦਾ ਆਸਾਂ ਦੇ ਨਾਲ ਬਾਲ ਨਵਾਂ।

ਹੱਲ ਹੋ ਜਾਵਣ ਸੱਚੀਂ ਪਿਛਲੇ ਸਭ ਮਸਲੇ,
ਉੱਠੇ ਹੀ ਨਾ ਕਿਧਰੇ ਕੋਈ ਬਵਾਲ ਨਵਾਂ।

ਨਵੀਂ ਬਹਿਰ ਵਿਚ ਲਿਖਣੀ ਹੈ ਇਕ ਗ਼ਜ਼ਲ ਨਵੀਂ,
ਰਾਗ ਨਵਾਂ  ਹੈ ਸਾਜ ਨਵਾਂ  ਸੁਰਤਾਲ ਨਵਾਂ।

ਨਵੇਂ ਸ਼ਬਦ ਮੈਂ ਲੱਭ ਕੇ ਦੇਵਾਂ ਸਾਹਿਤ ਨੂੰ,
ਦਿਲ ਅੰਦਰ ਆਇਆ ਹੈ ਇਕ ਖਿਆਲ ਨਵਾਂ।

ਨੀਵੇਂ ਉੱਠਣ ਤੇ ਉਤਲੇ ਹੇਠਾਂ ਆਵਣ,
ਚਿੰਤਨ ਵਿਚ ਆ ਜਾਏ ਜਦੋ ਭੁਚਾਲ ਨਵਾਂ।

ਵਾਰ ਦਿਆਂ ਆਪਾ ਮੈਂ  ਡਿੱਗਿਆਂ ਖਾਤਰ,
ਜੀਅ ਕਰਦੈ ਕਰ ਦੇਵਾਂ  ਅੱਜ ਕਮਾਲ ਨਵਾਂ।

ਬਦਲ ਦਿਆਂ ਅੱਜ ਸਭ ਕੁਝ ਹੀ ਇਸ ਧਰਤੀ ਦਾ,
ਲੱਭ ਲਿਆਵਾਂ ਅੰਬਰ ਅਤੇ  ਪਾਤਾਲ ਨਵਾਂ।

ਸਭ ਰਿਸ਼ਤੇ ਹੀ ਮੌਲਣ  ਫੁੱਲ ਜਿਵੇਂ ਖਿੜਦੇ,
ਕਹੇ ਮੁਬਾਰਕ ਹੋ ਕੇ ਅੱਜ “ਰੁਪਾਲ” ਨਵਾਂ।
***

*’ਲਿਖਾਰੀਆ ਗਿਆ ਸਾਲ ਨਵਾਂ — ਰਵਿੰਦਰ ਸਿੰਘ ਕੁੰਦਆ ਗਿਆ ਸਾਲ ਨਵਾਂ — ਰਵਿੰਦਰ ਸਿੰਘ ਕੁੰਦ’ ਵਿਚ ਪ੍ਰਕਾਸ਼ਿਤ ਹੋਣ ਵਾਲੀਆਂ ਸਾਰੀਆਂ ਹੀ ਰਚਨਾਵਾਂ ਵਿਚ ਪ੍ਰਗਟਾਏ ਵਿਚਾਰਾਂ ਨਾਲ ‘ਲਿਖਾਰੀ’ ਦਾ ਸਹਿਮਤ ਹੋਣਾ ਜ਼ਰੂਰੀ ਨਹੀਂ। ਹਰ ਲਿਖਤ ਵਿਚ ਪ੍ਰਗਟਾਏ ਵਿਚਾਰਾਂ ਦਾ ਜ਼ਿੰਮੇਵਾਰ ਕੇਵਲ ‘ਰਚਨਾ’ ਦਾ ਕਰਤਾ ਹੋਵੇਗਾ।
***
1706
***