ਗ਼ਜ਼ਲ—ਅਮਰਜੀਤ ਸਿੰਘ ਸਿੱਧੂ, ਜਰਮਨੀ

ਸੀਸ ਤਲੀ  ਜੋ  ਧਰਦੇ ਲੋਕ। 
ਮਰਨੋਂ ਨਾਂ ਉਹ ਡਰਦੇ ਲੋਕ। 

ਸੂਲੀ  ਚੁੰਮਣ  ਉਹ  ਹੀ ਹੱਸ, 
ਨਾਲ ਜੁਲਮ ਜੋ ਲੜਦੇ ਲੋਕ। 

ਲੜਦੇ  ਜੋ  ਲੈਣ  ਲਈ  ਹੱਕ, 
ਹੱਕਾਂ  ਖਾਤਰ  ਮਰਦੇ  ਲੋਕ। 

ਮੰਜਿਲ  ਜਿੰਨਾ  ਮਿੱਥੀ  ਜਿੱਤ, 
ਰਾਹਾਂ ਵਿਚ ਨਾ  ਹਰਦੇ  ਲੋਕ।

ਹੋਣ   ਨਿਭਾਣੇ   ਜਿੰਨਾ  ਕੌਲ, 
ਕੱਚੇ  ਤੇ   ਉਹ  ਤਰਦੇ  ਲੋਕ। 

ਇੱਜਤ ਖਾਤਰ ਜਾ ਕੇ ਰਣ ‘ਚ, 
ਅਣਖਾਂ  ਵਾਲੇ  ਮਰਦੇ  ਲੋਕ। 

ਪੁਲਿਸ ਰਲੀ ਹੈ ਚੋਰਾਂ ਨਾਲ, 
ਵੇਖੇ  ਗੱਲਾਂ   ਕਰਦੇ   ਲੋਕ।

ਮਾਪੇ  ਰੁਲਦੇ  ਆਸ਼ਰਮਾਂ  ‘ਚ, 
ਜੱਗ ਘਰਾਂ ਵਿਚ ਕਰਦੇ ਲੋਕ। 

ਚੈਨੀ ਲੈ  ਗਏ  ਅਮਲੀ  ਖੋਹ, 
ਦੱਸਣ ਨਾ ਇਹ  ਡਰਦੇ ਲੋਕ। 

ਮੁੱਲ  ਸਿਰਾਂ  ਦਾ  ਸਿੱਧੂ  ਪੌਣ, 
ਹੁੰਦੇ  ਨੇ  ਜੋ  ਘਰ  ਦੇ  ਲੋਕ। 
***
981
***