ਕ੍ਰਿਸਮਸ ਮਨਾਈਏ ਪਰ—ਅਵਤਾਰ ਸਿੰਘ ਆਦਮਪੁਰੀ

ਕ੍ਰਿਸਮਸ ਮਨਾਈਏ

ਦਸ ਲੱਖ ਨਾਲ਼ ਜਿੱਥੇ ਚਾਲ਼ੀ ਸਿੰਘ ਲੜੇ ਸੀ
ਸ਼ਹੀਦਾਂ ਦੀ ਕਤਾਰ ਵਿੱਚ ਸਾਹਿਬਜ਼ਾਦੇ ਵੀ ਖੜ੍ਹੇ ਸੀ
ਯਾਦ ਚਮਕੌਰ ਦੀ ਗੜ੍ਹੀ ਦਾ ਓਹ ਮੈਦਾਨ ਰੱਖਣਾ
ਚੇਤੇ ਜੀਜਸ ਵੀ ਰੱਖਿਓ……..

ਛੋਟੇ ਸਾਹਿਬਜ਼ਾਦਿਆਂ ਨੇ ਕਿਵੇਂ ਕਸ਼ਟ ਸਹਾਰਿਆ
ਵਾਰ ਗਏ ਆਪਾ ਪਰ ਧਰਮ ਨਹੀਂ ਹਾਰਿਆ
ਸਾਂਭ ਸਰਹੰਦ ਦੀਆਂ ਨੀਹਾਂ ਦੇ ਨਿਸ਼ਾਨ ਰੱਖਣਾ
ਚੇਤੇ ਜੀਜਸ ਵੀ ਰੱਖਿਓ……..

“ਆਦਮਪੁਰੀ” ਤੇਰੀ ਅੱਜ ਖੁਸ਼ਹਾਲ ਜ਼ਿੰਦਗਾਨੀ ਹੈ
ਇਹ ਗੁਰੂਆਂ ਨੇ ਸਾਡੇ ਉੱਤੇ ਕੀਤੀ ਮਿਹਰਬਾਨੀ ਹੈ
ਯਾਦ ਗੁਰੂਆਂ ਦਾ ਕੀਤਾ ਅਹਿਸਾਨ ਰੱਖਣਾ
ਚੇਤੇ ਜੀਜਸ ਵੀ ਰੱਖਿਓ

ਸਾਹਿਬਜ਼ਾਦਿਆਂ ਦਾ ਪੂਰਾ ਸਨਮਾਨ ਰੱਖਣਾ
ਕ੍ਰਿਸਮਸ ਮਨਾਈਏ
ਪਰ ਇੱਕ ਗਲ ਦਾ ਜਰਾ ਕੁ ਧਿਆਨ ਰੱਖਣਾ
ਚੇਤੇ ਜੀਜਸ ਵੀ ਰੱਖਿਓ………..