25 April 2024

ਤਾਰੀਖ਼-ਇ-ਪੰਜਾਬ – – – ਰੂਪ ਲਾਲ ਰੂਪ

ਫੇਸਬੁਕ ‘ਤੇ ਲਹਿੰਦੇ ਪੰਜਾਬ ਦੇ ਬਣੇ ਦੋਸਤ ਰਾਣਾ ਜ਼ਹੀਰ ਆਬਾਸ, ਪੁਰਖਿਆਂ ਦਾ ਪਿੰਡ ਖਨੂਰ (ਹੁਸ਼ਿਆਰਪੁਰ) ਅਤੇ ਰਾਣਾ ਅਜਮਲ ਕਾਦਰ, ਪੁਰਖਿਆਂ ਦਾ ਪਿੰਡ ਨੰਦਾਚੌਰ (ਹੁਸ਼ਿਆਰਪੁਰ) , ਮੇਰੇ ਪੁਰਖਿਆਂ ਦਾ ਪਿੰਡ ਚੱਕ ਦਾਮੂਆਣਾ (ਸ਼ੇਖੂਪੁਰ ਲਹਿੰਦਾ ਪੰਜਾਬ )।ਸਾਡੇ ਨਾਨਕ ਪਾਤਸ਼ਾਹ ਦੇ ਦਰਬਾਰ ਕਰਤਾਰਪੁਰ ਸਾਹਿਬ ਵਿਖੇ ਮਿਲਣ ਸਮੇਂ ਦੇ ਕੁਝ ਜਜ਼ਬਾਤ-

 

 

ਤਾਰੀਖ਼-ਇ-ਪੰਜਾਬ
*
ਅਜਮਲ ਕਾਦਰਾ
ਗੱਲ ਸੁਣ ਤੂੰ ਜ਼ਹੀਰਾ ਓਏ!
ਤਾਰੀਖ਼-ਇ-ਪੰਜਾਬ
ਮੁੜ ਲਿਖ ਦਈਏ ਵੀਰਾ ਓਏ!
ਘੁੰਮਦਾ ਖਿਆਲ
ਅੱਖਾਂ ਅੱਗੇ ਨਨਕਾਣੇ ਦਾ ।
ਜਿਲ੍ਹਾ ਸ਼ੇਖੂਪੁਰ
ਪਿੰਡ ਚੱਕ ਦਾਮੂਆਣੇ ਦਾ ।
ਜਿੱਥੇ ਦਾਦੀ ਜੰਮਿਆਂ ਸੀ
ਬਾਪ ਮੇਰਾ ਹੀਰਾ ਓਏ!
ਅਜਮਲ ਕਾਦਰਾ
ਗੱਲ ਸੁਣ ਤੂੰ ਜ਼ਹੀਰਾ ਓਏ!

ਵੱਜੇ ਕਾਦਰਾ ਓਏ ਗੇੜਾ
ਤੇਰੇ ਨੰਦਾਚੌਰ ਦਾ।
ਅੱਖਾਂ ਅੱਗੇ ਘੁੰਮ ਜਾਂਦਾ
ਬੁਰਜ ਲਹੌਰ ਦਾ।
ਜਿੱਥੋਂ ਸੀ ਰੰਗਾਉਂਦਾ ਬਾਬਾ
ਮਜੀਠ ਰੰਗਾ ਚੀਰਾ ਓਏ!
ਅਜਮਲ ਕਾਦਰਾ
ਗੱਲ ਸੁਣ ਤੂੰ ਜ਼ਹੀਰਾ ਓਏ!

ਮਾਣ ਜਾਈਂਂ ਜ਼ਹੀਰਾ
ਰੁੱਤ ਅੰਬੀਆਂ ਦੇ ਬੂਰ ਦੀ।
ਦੇਖ ਜਾਈਂਂ ਜੂਹ
ਆ ਕੇ ਆਪਣੇ ਖਨੂਰ ਦੀ।
ਜਿੱਥੇ ਤੇਰੇ ਬਾਬੇ ਦਾ ਸੀ
ਚਲਦਾ ਗਡੀਰਾ ਓਏ!
ਅਜਮਲ ਕਾਦਰਾ
ਗੱਲ ਸੁਣ ਤੂੰ ਜ਼ਹੀਰਾ ਓਏ!

ਵਾਹਗੇ ਵਾਲੀ ਲੀਕ
ਪਾਈਆਂ ਐਸੀਆਂ ਵੰਡੀਆਂ।
‘ਰੂਪ’ ਸੁਲਗਣ ਯਾਦਾਂ
ਹੋਣੀਆਂ ਨਾ ਠੰਡੀਆਂ।
ਹਾਕਮਾਂ ਪੰਜਾਬ ਕੀਤਾ
ਅੱਖੀਆਂ ਤੋਂ ਟੀਰਾ ਓਏ!
ਅਜਮਲ ਕਾਦਰਾ
ਗੱਲ ਸੁਣ ਤੂੰ ਜ਼ਹੀਰਾ ਓਏ !
***
ਰੂਪ ਲਾਲ ਰੂਪ
ਪਿੰਡ ਭੇਲਾਂ ਡਾਕਖਾਨਾ ਨਾਜਕਾ
ਜਿਲ੍ਹਾ ਜਲੰਧਰ (ਪੰਜਾਬ)
+91 94652-25722

*’ਲਿਖਾਰੀ’ ਵਿਚ ਪ੍ਰਕਾਸ਼ਿਤ ਹੋਣ ਵਾਲੀਆਂ ਸਾਰੀਆਂ ਹੀ ਰਚਨਾਵਾਂ ਵਿਚ ਪ੍ਰਗਟਾਏ ਵਿਚਾਰਾਂ ਨਾਲ ‘ਲਿਖਾਰੀ’ ਦਾ ਸਹਿਮਤ ਹੋਣਾ ਜ਼ਰੂਰੀ ਨਹੀਂ। ਹਰ ਲਿਖਤ ਵਿਚ ਪ੍ਰਗਟਾਏ ਵਿਚਾਰਾਂ ਦਾ ਜ਼ਿੰਮੇਵਾਰ ਕੇਵਲ ‘ਰਚਨਾ’ ਦਾ ਕਰਤਾ ਹੋਵੇਗਾ।
*
***
1029
***

About the author

✍️ਰੂਪ ਲਾਲ ਰੂਪ
+94652-29722 | + ਲਿਖਾਰੀ ਵਿੱਚ ਛਪੀਆਂ ਰਚਨਾਵਾਂ ਦਾ ਵੇਰਵਾ

ਰੂਪ ਲਾਲ ਰੂਪ
ਪ੍ਰਧਾਨ,
ਪੰਜਾਬੀ ਸਾਹਿੱਤ ਸਭਾ ਆਦਮਪੁਰ ਦੋਆਬਾ (ਰਜਿ)

ਪੁਸਤਕਾਂ:

ਕਾਵਿ ਰਿਸ਼ਮਾਂ (2020) ਸੰਪਾਦਨਾ
ਸਿਆੜ ਦਾ ਪੱਤਣ (2022) ਸੰਪਾਦਨਾ
ਗੁਰੂ ਰਵਿਦਾਸ ਪ੍ਰਗਾਸ ਦੀ ਖੋਜ--ਖੋਜੀ ਲੇਖਕ: ਰੂਪ ਲਾਲ 

ਪਤਾ:
ਪਿੰਡ ਭੇਲਾਂ ਡਾਕਖਾਨਾ ਨਾਜਕਾ
(ਜਲੰਧਰ) ਪੰਜਾਬ
+94652-29722

✍️ਰੂਪ ਲਾਲ ਰੂਪ

ਰੂਪ ਲਾਲ ਰੂਪ ਪ੍ਰਧਾਨ, ਪੰਜਾਬੀ ਸਾਹਿੱਤ ਸਭਾ ਆਦਮਪੁਰ ਦੋਆਬਾ (ਰਜਿ) ਪੁਸਤਕਾਂ: ਕਾਵਿ ਰਿਸ਼ਮਾਂ (2020) ਸੰਪਾਦਨਾ ਸਿਆੜ ਦਾ ਪੱਤਣ (2022) ਸੰਪਾਦਨਾ ਗੁਰੂ ਰਵਿਦਾਸ ਪ੍ਰਗਾਸ ਦੀ ਖੋਜ--ਖੋਜੀ ਲੇਖਕ: ਰੂਪ ਲਾਲ  ਪਤਾ: ਪਿੰਡ ਭੇਲਾਂ ਡਾਕਖਾਨਾ ਨਾਜਕਾ (ਜਲੰਧਰ) ਪੰਜਾਬ +94652-29722

View all posts by ✍️ਰੂਪ ਲਾਲ ਰੂਪ →