ਨਵਾਂ ਸਾਲ ਮੁਬਾਰਕ—ਗੁਰਦੀਸ਼ ਕੌਰ ਗਰੇਵਾਲ- ਕੈਲਗਰੀ

ਨਵਾਂ ਸਾਲ ਮੁਬਾਰਕ

ਦੂਰ ਨੇੜੇ ਦੇ ਸੱਜਣ ਪਿਆਰਿਓ ਜੀ,
ਨਵੇਂ ਸਾਲ ਦੀ ਲੱਖ ਵਧਾਈ ਹੋਵੇ।
ਢੁੱਕੇ ਦੁੱਖ ਤਕਲੀਫ ਨਾ ਨੇੜ ਕਿਧਰੇ,
ਖੁਸ਼ੀ ਸਭ ਦੀ ਦੂਣ ਸਵਾਈ ਹੋਵੇ।

ਸੁੱਖ ਕਿਸੇ ਦਾ ਦੇਖ ਨਾ ਦੁਖੀ ਹੋਣਾ,
ਹਰ ਇੱਕ ਦੀ ਖ਼ੈਰ ਮਨਾ ਲਈਏ।
ਲੱਤਾਂ ਖਿੱਚਣ ਦੀ ਰੀਤ ਮਿਟਾ ਦੇਈਏ,
ਨਵੇਂ ਪੂਰਨੇ ਅੱਜ ਤੋਂ ਪਾ ਲਈਏ।

ਕਿਰਤ ਕਰਨਾ ਤੇ ਵੰਡ ਕੇ ਹੈ ਛਕਣਾ,
ਬਾਬੇ ਨਾਨਕ ਨੇ ਕੀਤੀ ਰੁਸ਼ਨਾਈ ਸਾਨੂੰ।
ਨਾਮ ਦਾਤ ਦੀ ਸਾਡੇ ਤੇ ਮਿਹਰ ਹੋ ਜਾਏ,
ਰੂਪ ਰੱਬ ਦਾ ਦਿਸੇ ਲੋਕਾਈ ਸਾਨੂੰ।

ਦੇਸ ਵੱਸੀਏ ਭਾਵੇਂ ਪਰਦੇਸ ਆਪਾਂ,
ਇੱਕ ਦੂਜੇ ਦੀ ਸੁੱਖ ਮਨਾ ਲਈਏ।
ਗਿਲੇ ਸ਼ਿਕਵੇ ਭੁਲਾ ਕੇ ਅੱਜ ਸਾਰੇ,
ਆਓ ਆਪਾਂ ਗਲਵੱਕੜੀ ਪਾ ਲਈਏ।

‘ਦੀਸ਼’ ਹਰ ਦਮ ਇਹੋ ਦੁਆ ਕਰਦੀ,
ਵੈਰ ਵਿਰੋਧ ਤੇ ਈਰਖਾ, ਲਾਂਭ ਰੱਖੀਏ।
ਸਾਂਝੀਵਾਲਤਾ, ਭਲਾ ਮਨੁੱਖਤਾ ਦਾ,
ਮਾਂ-ਬੋਲੀ ਪੰਜਾਬੀ ਨੂੰ ਸਾਂਭ ਰੱਖੀਏ।
***
ਗੁਰਦੀਸ਼ ਕੌਰ ਗਰੇਵਾਲ- ਕੈਲਗਰੀ
ਸੰਪਰਕ: +1 403 404 145

*’ਲਿਖਾਰੀ’ ਵਿਚ ਪ੍ਰਕਾਸ਼ਿਤ ਹੋਣ ਵਾਲੀਆਂ ਸਾਰੀਆਂ ਹੀ ਰਚਨਾਵਾਂ ਵਿਚ ਪ੍ਰਗਟਾਏ ਵਿਚਾਰਾਂ ਨਾਲ ‘ਲਿਖਾਰੀ’ ਦਾ ਸਹਿਮਤ ਹੋਣਾ ਜ਼ਰੂਰੀ ਨਹੀਂ। ਹਰ ਲਿਖਤ ਵਿਚ ਪ੍ਰਗਟਾਏ ਵਿਚਾਰਾਂ ਦਾ ਜ਼ਿੰਮੇਵਾਰ ਕੇਵਲ ‘ਰਚਨਾ’ ਦਾ ਕਰਤਾ ਹੋਵੇਗਾ।*
***
979
***